تـــم غـلق المدونة نهائيا بعد استنفاذ هدفها
ونقل الـى مدونة
WWW.Shabseiss.blogspot.com
Saturday, October 4, 2008
Monday, September 22, 2008
ياريتنى كنت بنوتة
آه وفيها ايه لما اقول ياريتنى كنت بنت .. مش عيب ولاحرام .. اه بحقد عليهم .. عارف ليه ..؟
فـى المواصلات تلاقى الدنيا زحمة والناس فوق بعضيها تيجى بنت تقف تلاقيها واقفة براحتها او تلاقى شاب لطيف خلاها تقعد مكانه وتستريح من الوقفة والزحمة .. ولو حد عاكسها او كلمها مسافة بس ما تقوله احترم نفسك تلاقى الناس كلها نازلة ضرب فيه كأنه حمار فى مطلع زى مابيقولوه.
فــى العربية لو بنت سايقة تلاقيها ماشية براحتها وبالراحة وممكن تقف تعدل الميك اب او ترد على الموبايل او متاخدش مخالفة الحزام من غير ماتلاقى واحد ماشى وراك شتمك او بهدلك او نزل ضربك .. ولاقدر الله حصل حادثة تلاقى الناس واقفة ساكتة لاماسكين فى خناق البنت وبيكلموها عشان تهدي ومتخضش ، او العربية تتعطل بيها فى نص الشارع تلاقى مليون واحد ظهر عشان يزقها على جنب او يصلحها على سبيل الشهامة.
فــى آى مكان بيخافوا على احساس البنت ومش بيحبوا يزعقولها او يكلموها بعنف عشان ما تنهرش وتفتح فى العياط وبيكلموها بكل هدوء وأدب ولباقة.
فــى الدراسة تلاقى البنت ملتزمة ومتفوقة ومذاكرة وشطورة غير الولاد تلاقيهم مقضينها تزويغ ويجيوا ايام الامتحانات يقعدوا يعيطوا ويتحايلوا على البنات عشان يديوهم الحاجات المهمة وتلاقى البنت جابت تقدير والواد يادوب طالع بمادتين.
فـــى الجيش لاتعليق طبعا للولاد على البهدلة والوقت اللى بيضيع اما البنات بياخدوا الشهادة وهما بالهم مرتاح من غير يفكروا فى الجيش او شغل او شقة يجبوها.
فى اى علاقة البنت تقدر تبدأها وتنهيها فى اى وقت هى عاوزاه او حسب مزاجها وتتحكم فى العلاقة بمزاجها.
فــــى الجواز لو جواز الصالونات السخيف تلاقى البنت قاعدة فى بيتها معززة مكرمة والعرسان بيجو لحد عندها البيت وتختار اللى هى عاوزه وتقول شروطها بكل بساطة والعريس هو وحظه.
بـــرضه فـى الجواز تلاقى الولد شغال اربعين شغلانة وطالع عينه عشان يجهز الشقة والعفش وفى نفس الوقت خايف يقصر مع خطيبته ولا مراته عشان مشاعرها ويحاول يرضيها بالهدايا والعزومات والخروجات.
فـــى اى خروجة البنت تبقى معزومة من الولد وتقعد ملكة متحطش ايديها فى جيبها حتى لو كيس مناديل والولد عمال يدفع ويعزم ويدفع ويعزم عشان رضاها.
فـــى الشارع لو البنت ماشية مع خطيبها او جوزها او صاحبها يادوب بس تتعاكس او حد يبصلها تلاقى واحد اطحن واضرب عشانها وهى واقفة بتتفرج وممكن تشاركه بدمعتين او تقوله كفاية ضرب كده.
فى اى كمين او نقطة تفتيش يفتشوا الرجالة ويبهدلوهم ويجوا عند البنت ولاحتى يقولها بطاقة حتى.
فى المترو ليهم عربيات مخصوصة واللى يركب فيها غلط من الرجالة يدفع غرامة وهما يركبوا فى اى عربية ومحدش يقدر يقولهم حاجة.
فــى اى مناسبة تلاقى هدايا جاية للبنت من كل ناحية او من كل حتة من غير ماتتكلم او تطلب بس .
فــى البيت محدش يقدر يقولها انزلى دورى على شغل او شوفيلك حاجة اعمليها غير الولد اللى ابوه ميبقاش طايقه اول ما يشوفه فى البيت.
فــى البيت برضه البنت لما تخرج ممكن تتصل باخوها او باباها عشان يوصلها او يجى ياخدها اما الولد فيولع بجاز تصرف وتعالى لوحدك يامنيل.
بعد الجواز .. الست تبقى مديرة البيت والراجل عبارة عن الممول ومالهوش دعوة باى حاجة وهى صاحبة الكلمة الاولى والاخيرة والراجل عليه السمع والطاعة.
اى مشكلة تحصل بعد الجواز تلاقى اهل البنت جايين يشوفوا ازاى جوزها يزعلها ومليون واحد جاى عاوز يولع فى جوزها.
حتى لو انفصلوا عن بعض تلاقى العريس متبهدل مابين نفقة ومؤخر والكلام ده والبنت قاعدة فى بيتها وحقها بيوصل لحد عندها من غير ما تتكلم بس.
عشان كده واكتر الولد بيحقد على البنت ... بس حقد ليس اكثر عشان محدش يفهمنى غلط.. حقد وبس.
أمضاء واحد مش انا اكيد :D
Sunday, September 21, 2008
عـزيزتى المـرأة
مـن أنـت أيـتها المـرأة؟أنتى أمى الى تحملينى داخلك شهور وتتحملين الالام حتى انزل الى الدنيا وتضمينى
أنتى اختى التى العب معها فى صغرى و اتعلم رجولتى فى تحكماتى واومراى فى مراهقتى
أنتى حبيبتى التى اتعلم معها الحب وامارسه ويكون عشقنا فى سجلات المجبين
أنتى زوجتى التى تحفظنى وترعى منزلها واولادها وتحفظهم وتجعله فى أبهى صورة
أنتى رفيقة دربى التى لا اتصور رحلتى فى الحياة الا معاها وما اعرف غيرها فى الحياة
أنتى مديرة حياتى ومنظمتها والملكة المتوجة لا اخلف لكى كلمة فانت تدركين مالا ادركه
أنتى فى خريف حياتى تضمنى فى صدرك كى لا افقد نفسى وتصبرى وتشدى من قوتى
أنت من القاكى فى محنتى وشدتى ومرضى وتسهرين بجوارى والمس طعم يديكى فى شفائى
أنتى من فى برد الشتا يدفئنى وفى صدره انام واغفو فى عن الحياة
أنتى صديقتى التى اتحدث معها وتصغى الى بكل كيانها وتلتقط كلماتى بكل صدق
أنتى من تعلمينى كل شىء ومستشارى فى الحياة فى اى شىء
أنتى من ابحث عنها منذ ميلادى لمماتى
أنتى فى نهايتى من يذكرنى باخلاص وتبكين على باخلاص دون غيرك
عزيزتى المراة .. أحبك ، احترمك
Wednesday, September 17, 2008
شـمس المغيب
*-*-*
عمرك حسبت حياتك زى الشمس
تتولد زى الشروق
بتشرق
وتنور
وتبقى قدام عيوون الناس
تكبر وتبقى ضهر
ووزحمة
وصخب حياتك
فى العصر
تلاقى حياتك بقت هادية
وماشية ع وتيرة منتظمة
الغروب
بتشوف حياتك كلها قدامك
وكل اللى فات
وتعمل كشف حسابك
وتطلع خسران
ليل
تختفى
وتبقى ماضى
وأمس
وتتنسى
وتتولد شمس جديدة وحياة جديدة
*-*-*-*
أنــــــــــا ويـــــــــــا شمــــــس المغيب
بغيب
وأنتى بتشرقى
بحـبك
عمرك حسبت حياتك زى الشمس
تتولد زى الشروق
بتشرق
وتنور
وتبقى قدام عيوون الناس
تكبر وتبقى ضهر
ووزحمة
وصخب حياتك
فى العصر
تلاقى حياتك بقت هادية
وماشية ع وتيرة منتظمة
الغروب
بتشوف حياتك كلها قدامك
وكل اللى فات
وتعمل كشف حسابك
وتطلع خسران
ليل
تختفى
وتبقى ماضى
وأمس
وتتنسى
وتتولد شمس جديدة وحياة جديدة
*-*-*-*
أنــــــــــا ويـــــــــــا شمــــــس المغيب
بغيب
وأنتى بتشرقى
بحـبك
Friday, August 22, 2008
Sunday, August 17, 2008
يمكن
حـأبـقـى فـى بـلاد بعـيدة
وأنتـى فـى بـلاد بعـيدة
يـنزل سـتـار مابينا
علـى كـلمة النـهاية
مـحتاجلك أيـوه عـارف
وأنتـى فـرحة سنينى
لـو كـان سهل تسيبى قلـبى
طب مش من الاسهل تفهمينى؟
Thursday, August 14, 2008
كـل سنـة وأنتـوا طيـبين
أكتر كلمة بحسها اوى وبحب اقولها اوى وخصوصا فى رمضان
بعشق الشهر ده بكل اللى فيه
كل واجمل واحلى الذكريات فيه من صغرى
طول عمرى رمضان هو نقطة تحول فى حياتى
مرة كنت ماشى انا واختى فى الشارع فى ليلة رمضان
وراجل عجوز ماشى بالعربية يقول للناس كل سنة وانتوا طيبين
احلى مافى المشهد
ابتسامة ونظرة الرجل العجوز
بجد انا وقفت تنحت
قولت قد ايه الكلمة دي بتفرح
ومن ساعتها بقالى 8 سنين
بحب اوى رمضان وكلمة كل سنة وانتوا طيبين
كل رمضان بطلع منه واحد تانى
وفى كل رمضان
بحس ان فى مفاجاة جميلة اوى حتحصلى
وامنية غالية ربنا حيحققها ليا
وفعلا
عمرى ماانسى اخر رمضان
بتاع 2007
كان حلم عايش فيه
كان قلبى حيقف اول يوم
خمس حاجات كنت بتمناهم من سنين
واتحققوا فى يوم واحد
لدرجة ان عربية خبطتنى فى الشارع وانا بعديه قبل الفطار
لدرجة ان عربية خبطتنى فى الشارع وانا بعديه قبل الفطار
وقمت مبتسم والراجل بيتخانق معايا لما لاقنى مبتسم مش متنرفز
يومها بعد الفطار صحابى شافونى فى الشارع
قالوا انى مش طبيعى
وانا ماشى بغنى وفرحان وبلاوى تانية
بجد رمضان اللى فات غيرنى بطريقة بشعة
خلانى حاجة انا بحبها ومعاها حاجات بتحبها
الحمد لله
كـل سـنة وأنتم فـى قـلوبكم رمـضان
بـحـبكم
Wednesday, August 13, 2008
بـقالى كتير ما كتبت حاجة
بقالى كتير حاسس انى مخنوق وعاوز اطلع اللى جوايا
بقالى كتير ماكتبتش اللى اتعودت اكتبه كل يوم
بقالى اكتر من سنة ماكتبتش اللى بحبه
بقالى 8 شهور ماكتبت مذكراتى السخيفة ولاكأنها مذكرات العقاد :D
حاسس انى بقيت واحد تانى
او اللى جوايا خلص
ومفيش اى جديد اكتبه
بمسك اوراقى واقعد اقراها
احاول امسك القلم عشان اكتب
الاقى برسم نقط ودواير ومش بعرف اكتب اى حاجة جديدة
بقيت اجيب من اللى كاتبه زمان واقول انه الجديد
بس بضحك على نفسى
هو انا مالى
هو بجد مبقاش عنى قدرة الكتابة
عاوز اكتب زى زمان
نفسى ما ابطلش كتابة
بس حاسس ان اللى جوايا مات
مبقاش فى حاجة ممكن تخلينى اكتب زى زمان
نفسى افهم او اعرف
بحاول عشان مزاجى
بحاول عشان شغلى
بحاول عشان نفسى
انى اكتب
بس مش قادر بجد
حاسس انى مشلول
جربت كل حاجة
بس مش لاقى
بحاول اكتب اى حاجة
بس بتطلع مسخ للقديم
بتطلع حاجة تحت اوى
نفسى
بس مش عارف
او اكيد عارف
بس بستعبط
بس بجد نفسى افهم
هو انا بجد انتهيت
ولا انا مكنتش زى ما انا متخيل
ولا دي حدودي
مش عارف
بس حاسس بحاجة
انى اجمل ماكتب لم اكتبه بعد
Friday, August 8, 2008
مش غرور بس امنية وحلم
طــــــول عمـرى عندى احساس عجيب من صغرى مش فاهمه
بس الايام اللى فاتت بدات افهمه
أنى مولود عشان مكنش انسان عادي
انا مولود عشان اكون انسان ناجح ومشوار
ومرضاش الا بالنجاح والنصر
حاسس طول عمرى انى مش المفروض اكون زى بقية الناس
حياتى تبقى مملة ورتيبة
حياتى تكون حياة اخرى
حياة مختلفة
حياة عايشها بستعمل دماغى وقلمى فيها
مش مجرد واحد وخلاص زى ما بيصحى زى مابينام
حياتى مختلفة وتفكيرى مختلف من يوم ميلادى
وحافضل غير اى حد ليوم نهايتى
عشان مش حاعيش زى اى حد فى روتين
حاعيش فى نجاح ونصر ع طول
وحاكون مشهور بجد مش ع الفاضى
واول خطوة اخدتها
مشوارى طويل
بس انا حاستمر وانجح
لانى مولود عشان انجح وانتصر
واكون حسين هاشم
Friday, August 1, 2008
Saturday, July 26, 2008
Wednesday, July 23, 2008
Sunday, July 20, 2008
Saturday, July 19, 2008
Monday, June 30, 2008
Tuesday, June 17, 2008
Subscribe to:
Posts (Atom)
