بـقالى كتير ما كتبت حاجة
بقالى كتير حاسس انى مخنوق وعاوز اطلع اللى جوايا
بقالى كتير ماكتبتش اللى اتعودت اكتبه كل يوم
بقالى اكتر من سنة ماكتبتش اللى بحبه
بقالى 8 شهور ماكتبت مذكراتى السخيفة ولاكأنها مذكرات العقاد :D
حاسس انى بقيت واحد تانى
او اللى جوايا خلص
ومفيش اى جديد اكتبه
بمسك اوراقى واقعد اقراها
احاول امسك القلم عشان اكتب
الاقى برسم نقط ودواير ومش بعرف اكتب اى حاجة جديدة
بقيت اجيب من اللى كاتبه زمان واقول انه الجديد
بس بضحك على نفسى
هو انا مالى
هو بجد مبقاش عنى قدرة الكتابة
عاوز اكتب زى زمان
نفسى ما ابطلش كتابة
بس حاسس ان اللى جوايا مات
مبقاش فى حاجة ممكن تخلينى اكتب زى زمان
نفسى افهم او اعرف
بحاول عشان مزاجى
بحاول عشان شغلى
بحاول عشان نفسى
انى اكتب
بس مش قادر بجد
حاسس انى مشلول
جربت كل حاجة
بس مش لاقى
بحاول اكتب اى حاجة
بس بتطلع مسخ للقديم
بتطلع حاجة تحت اوى
نفسى
بس مش عارف
او اكيد عارف
بس بستعبط
بس بجد نفسى افهم
هو انا بجد انتهيت
ولا انا مكنتش زى ما انا متخيل
ولا دي حدودي
مش عارف
بس حاسس بحاجة
انى اجمل ماكتب لم اكتبه بعد
2 comments:
كلنا بنمر بالفتره دي الغريبه انهاطولت مش حاجه مؤقته وخلاص
الاغرب ان الحافز بدا يتلاشي ومابقاش فيه دافع زي زمان بقي فيه رغبه انك تقعد كده مستسلم لقدرك مع ان المفروض تحارب علشانه
انا عندي امل ان الظلمه دي هتروح قريب بس امتي مش عارف
مافيش غير اني استني واعمل اللي عليا وانفض لتيار الاحباط والكتئاب اللي شغال ناحيتي ومحاصرني
ربنا معاك يابني ويفك كربنا كلنا
تحس انها فى ساعات لغز
كل عناصر الايجابية موجودة
بس مفيش نتيجة
تستجوب نفسك متلاقيش اجابة
بس الظاهر المرة دي مش حتيجى تانى عندي
خدت وقتها ومشيت زى كل حاجة مرت عليا
حتفرج يادكتور وياريت تنورنا فى قهوة ولاد بوسماعين بجد دعوة مفتوحة بالمشروب :D:D
Post a Comment