www.shamselsobh.blogspot.com

مدونة شمس النهار

لازم تشوفها

have along kiss and goodnight

يافرح ياهجار امتى تيجلنا الدار

مهموم

وهمى كبير

مش نافع معاه دوا ولا طبيب

مهموم بحاجات كتير

لاليها ترياق ولا تفسير

انا السبب

نفسى ارتاح بجد

وافرح بجد

مش امثل على نفسى

نفسى ارتاح من كل همومى مرة واحدة

وافرح مرة واحد بجد من قلبى

واخلص من همومى

وارتاح

يــــــــــــارب

الوقت عدى

ومكنتش حاسس

وخلص الوقت

من غير ما احس

واكتشفت انى كنت بحلم

وادينى حلمت

ممكن افوق

ولا ليا وقت تانى؟

خلاص حارحل مش لرجوع

حارحل لحياة ودنيا تانية

ناس تانية غير الناس

كلام غير الكلام

حتى الهوا حيتغير

حارحل عشان ماليش مكان وسطكم

بس سعيد انى حارحل

ياترى اسمى حيفضل لسه مكتوب

لا حيتمحى

لان كل شىء فى الكون بيتمحى

مش حيبقى فارق بقى

ماهى حياة جديدة

باسلوب

وكلام

وناس

كل شىء حيتغير

حتقولى كان ليك حلمـ

حقولك خليه حلم احسن

ممكن كنت فى مكان

وصار مكان

غير الزمان

راحل انا وغايب

خليك زيهم منفوخ

بس بعيد عنى

مش ناقصة قرف

أنـــــــــا أتغيرت

يمكن شكلى زى ماهو

يمكن اسمى زى ماهو

بس انا اتغيرت

بقيت آخـر

بقيت انسان تانى غير نفسى

بخاف منه كتير

وبحب جنانه وافعاله اكتر

بحب ابتسامته وضحكته وطموحه

بحب عقله

بس بقيت ملاك

ولا شيطان

ولا انسان

ولا واحد وخلاص

محتار اعرف مين انا

محدش عارف اجابة سؤالى غيرى انا

أنا مين .؟؟

جوايا شيطان

وجواكى شيطانة

جوايا حدوتة

وجواكى حكاية

كنت فاكرك صاحبى بجد

واخوى واقرب انسان ليا

اكتشفت انها صورة حاططها

وهى ظروف ليس اكثر اللى جمعتنا

وكنت فاكر ان سرى معاك

لاقيتك وزعته على اللى حواليك

وبقت نكتة

مش بستتنضفنى ياعمـ

الله يسامحك

خليك مع صحابك النضاف زيك

حلــمى مش مجرد أى حلم

بيحلمه أى واحد بيصحى من النوم وينام ويبقى زى ماهو

حلمى انى اكون مختلف

او اكون أخر زى ماقال سارتر

حياتى تكون بمزاجى وبراحتى

مش بمزاج حد

اكون صريح مش منافق

اكون فعلا مبدع مش مجرد مدعى فاشل

اكون محبوب بجد مش منفوخ على الفاضى

اكون غنى اوى اوى

اسافر العالم باليخت بتاعى

حاشترى يخت اكبر من يخت دبى و السعيد

حالف العالم كله انا وحبيبتى

حيكون ولادى انجح ولاد فى العالم كله

حاخليهم ميهملوش اى موهبة عندهم

واهم حاجة بطلبها من ربنا

انى ما بقاش مغرور بجد

انا حلمى انى افضل زى ما انا بشخصيتى

بس احقق اللى انا عاوزه

اجمل النساء لم احبها بعد

اجمل الكلمات لم اكتبها بعد

اجمل الاشعار لم انظمها بعد

اجمل مفردات الجمال سانشرها

اجمل ما روى عن الحب ساكون بطلها

اجمل ما انا هو انتى

احبك

انت اللى وقفت
ومش راضى تكمل
تعبت
امال انا اعمل ايه
حملى تقيل وعجيب
وانت حملك خفيف
اجرى انت واسبقنى
ممكن تلحق حاجة
وانا جايلك
بس اجرى واسبق

أنــــــــــا أســـــــف بجــــد

عارف انى زعلتك منى

وخليتك تنخدع فيا

وفى الاخر طلعت انا كداب وغلطان

انا اسف

بس ياترى حتسامحنى عشان انا محتاجلك

هو أنا ناقص احباط
منك لله ياللى فى بالى

من حقنا نحلم

ولو كده كده

ونشوف الدنيا حلوة

مع انها مش كده

انت ياعم

قرار صعب بس لازم عليك تعمله

من النهاردة مفيش لعب ولانوم ولا كسل

حتنزل تشتغل وتجيب مصاريفك

عارف علبة الاكل بتاعتك بقت بكام

ولا اللبن بقى بكام

انزل هات مصاريفك ولقط رزقك

لا اما حاسيبك لقطط الشارع تبهدلك وتعيش لقيط

لازم يكون ليك دور ايجابى فى البيت

قــــــــــــــدام المـــــــراية

واحد ملسوع عادى يعنى:D

....

شخصية زبالة وحقيرة

دخلت على الشات بوكس فى كذا مدونة

باسماء ناس تانية

ونزلت شتيمة وقلة ادب

ليه ॥ عشان هو زبالة

فبتاسف لاى حد لاقى كلام مالوش لازمة باسمى فى اى شات بوكس

لانه بجد موقف سخيف

فانا بتاسف لاى حد وصله الموقف ده

الحكاية بس

الحكاية مش مجرد حتة بكتب فيها براحتى

الحكاية انى بفكر بصوت عالى

اختارناه .. اختارناه :D

آهـــــلا بيكـم فى يـــــــوم النفــــخ العالمـــى

متــوقعين ايـــه ؟

كلمة

زى السمــا والأرض

زى النــدى والــورد

أحنا بنعشق بعــض

***

من حقنا نحب

بس هو الحب من حقنا ؟؟

أنت تتحدانى ... أبقى قابلى

ايموشن واحد بيطلع لسانه

خطيبتى وخطيبتى

ياريت لما اتجوزكم انتوا الاتنين

مااسمعش عن انكم اتخانقتوا او شيلتوا من بعض

ولا حتى نفسنة

حبو بعض عشان نقدر نعيش

بحبكم والله

وردة

الوردة دى

بتطلع مرة واحدة فى السنة

لمدة يوم واحد

تظهر وتفتح وتزهر وتموت فى يوم واحد

وطالعة من جوه صبار

كل يوم فى السنة دى بجيبها احطها جنبى

واقعد اتفرج عليها طول اليوم

الصبار زى حياتنا مليان شوك

ولو فرحنا فى يوم حيبقى يوم واحد

حد فاهم حاجة

بس هما كلمتين جوايا عاوز اقولهم

من حقنا نفرح .. ولو كده وكده

ماتيجى نعمل كده .. حيجرالنا ايه

بحلمـــ ويـحــلالـــى

أحلـــم وأنـــا مــالــــى

بــحـــلـم وحـلــم بـسـيط

مش كتر مـــال ولاســيــط

بحلم اخــــــد نفـســـى

الله

ياخالق الخلق .. فى بطون الامهات

ياخالق الملايكة والشمس والنجوم

يامالك الملك والارض والسموات

يامبدع يامعين ياحى ياقيوم

يامحدد الاجل والعمر بين عنيا

****

وحتى لو غلطنا مابتحرمناش من قوتنا

يالله يا رحمن يارحيم

---

ربنا خلقنا وادنا كل حاجة

وميزنا بالعقل عشان نستعمله لحياتنا

ونخلى حياتنا احسن

ومنبقاش زى العجم

بس للاسف دلوقتى ناس كتيرة بتستعمله

لتهاجم اللى خلق الكون

وتهاجم رسله وانبياءه وعلمائه

وتهاجم كتبه

ونسيوا ان ربنا اللى خلقهم

فى يوم حيرجعوا ليه

ويقفوا قدامه

ياترى حيقولوا احنا غلطنا فى كتبك ورسلك عشان كنا عاوزين نعمل حاجة جديدة

ولا عشان كانت طالعة موضة

ولا عشان احنا مهمشين فقولنا حد يعبرنا

ولا ايه ولا ايه

...

اتقوا الله

يابشر

مادام احنا بشر يبقى لازم نفكر

مادام احنا بشر يبقى لازم نستخدم عقلنا

مادام احنا بشر مش لازم نتطاول على مسلمات

مادام احنا بشر نستخدم عقلنا فى المسموح

وننسى عقلنا ونركنه فى الغبيات

مادام احنا بشر مش لازم نقل ادبنا على الناس المحترمة

ولا على الاديان والانبياء

لان احنا بشر وبنخرف ساعات وفى الاخر نستخبى ورا الف حجة

ولان احنا بشر المفروض نتعلم ونعلم انفسنا

مش نتكلم واحنا منفوخين زى البلالين الفاضية من جواها

ونعمل مشاكل

بدل ما نتكلم بدون اى وجه من اوجه الصحة

ونخلينا متحضرين ونفكر ونبحث وبعدين نتكلم

***

الكلمتين دول اهداء لاى حد اعرفه او معرفوش

اقوله شغل عقلك الاول وبعدين اتكلم

هش مااسمعش صوتك

نفسى اتكلم واقول

محدش ليه دعوة بيا وسيبونى اعيش حياتى براحتى

محدش يختارلى حاجة فى حياتى كفاية اللى اخترتموه بمزاجكم وجرحنى

محدش يتدخل فى حياتى ويعمل نفسه قاضى على حياتى

محدش يقعد يتكلم عليا وع اللى بقوله كأنه حقه فى الحياة

بس فى الاخر ... اسكت عشان مااتعودتش اتكلم

بــكرة امتى

خـــــايف من اللى جــاى

خـــايف من اللى مش عارفه

خايف انى بكون بضحك ع نفسى

واللى حواليا بيضحكوا عليا

خايف انى مكونش قد المرحلة اللى مقبل عليها

خايف انى افشل

فشلى المرة دى تبقى نهاية

خايف وبحاول

فسفوسة

كــــــــــــــــــل سنة وأنت طيـب يا الفوسة

بقى عندك سنة يابطة

وربنا انا بحبك زى المعزة اللى كنت مربيها زمان :D

بجد ياض يالفيس ساعات كده لما نخلص لعبة العاو

الاقيك بتضحك

هو انت بتضحك بجد ولا انا اتهطلت

على العموم كل سنة وانت طيب

بس انت نايم دلوقتى زى الطبيخة :D

لما تصحى بقى ابقى اطفى الشمع