Sunday, March 30, 2008

اخدت التاج وانتو لالا


لو قالولك اختارعصر من عصور مصر عشان تعيش فيه تختاراى عصر وفى عهد اى حاكم واشمعنى؟
عصر اسرة محمد على
غيرو شكل مصر وافترت عليهم كتب التاريخ للاسف
اول اولوية فى حياتك عيلتك ولا شغلك ولا اصحابك؟
للاسف صحابى
ايه اكتر حاجة بتحبها فى رمضان؟
عارف انت الساعة اللى قبل الفطار لما العيلة تبقى متجمعة والمقالب تكتر
هو رمضان كله على بعضه جميييييييييييييل وبحبه اوى
اوصف ليا اجمل فطار ممكن تفطره؟
او فطار يوم عادى يبقى نسكافية بلاك من غير سكر وسيجارة احمر
اما فى رمضان بيبقى شووررربة اكتر حاجة بحبها فى رمضان
لو انت حاكم على مجموعة من الافراد حتكون عادل؟ طب حتعمل ايه عشان تتأكد انك حاكم عادل؟
لا حاكون دكتاتور ॥ لانى بؤمن برأين رأى ورأى برضه
اللى بيبوظ الحكام ..نفسهم ولا الشعب ولا الحاشية المقربة؟؟
انفسهم لان مهما كانت الحاشية منافقة فاللحاكم عين بشوفها
مين اكتر اعلامى مصرى بتحترمه؟؟
لا احد يصلح
لو ممكن تشتغل شغلانة تانية غير اللى انت بتشتغلها او كنت بتشتغلها كنت تتمنى تبقى ايه؟؟
يوووووووه
انا اشتغلت اكتر من ست شغلانات بدافع التجربة ليس اكثر
وكل شوية بلاقى نفسى فى حاجة غير اللى راسمها
بس ربنا يستر واكمل فى الكتابة لانى بحبها موت
ايه تانى بلد تتمنى تعيش فيها بعد مصر؟؟
مفيش غير مصر انا عندى دم :>
اوصف ليا ترتيبات اجمل فرح ممكن تحضره؟؟
اجمل فرح لازم يكون لاجمل عريس اللى هو انا
وحيكون فرحى من الصبح لحد الليل
حتبقى حفلة منوعة
تبدا من ليلة توديع العزوبية واجيب وجيه عزيز
ويبدا الفرح من الصبح وحاعمله لو ربنا كرمنى فى جونبية الفيلا بتاعتى
وحيبقى فى الخارج
وبالليل حيبقى فى سفينه فى البحر المتوسط
وحاجيب نجوم كتيرة
وحارقص رقص انا وصحابى لحد الصبح
بتراعى كلام الناس والقيل والقال؟ لو اه او لو لا قولى ليه؟
ولا يساوى عندى مليم
لان مفيش حد يقدر يدى حكم على انسان
لان العقل لايصلح للحكم ع الاشياء
صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟
ياريت
السعادة هى؟؟
الرضا عن النفس
عندك امل ؟ اسبابك ؟
عندى كتيرررررررر ॥ وبعيش عليهم ॥
واكبرهم انى ابقى كاتب كبيرر
واكتب كل حاجة وفى اى حاجة
ومستنى احقق حلمى
لما تحب تهرب من كل شىء بتروح فين؟؟
عمو فارس كونيش اسكندرية سيدى جابر
امتى اول مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟
السنة دى
يوم २०/१/२००८
لما بتعمل عمل خيرى بيكون ايه هو دافعك الاول؟؟
احس انى لسه نضيف من جوا
بتشرب سجاير؟لو الاجابة اه ايه شعورك لو شفت ست بتشرب سجاير وليه؟
طبعا اهم عادة فى حياتى
بفرح والله
لان لما بشوف واحدة بتشرب سجاير بحس انها قدرت تكسر القاعدة للمجتمع بتاعنا
بتعرف ايدك اليمين من الشمال ازاى؟
عادى مش بتفرق معايا الاتنين شغالين
ايه اكتر اله موسيقية بتحبها؟
القانون و الكمان والجيتار و البنفلوت والساكس
فى رأيك ليه الذوق والنخوة اتعدموا؟
ما اتعدموش والله ॥ بس الناس بقت تسميهم اسامى تانية
ايه الحاجة اللى لو حصلتلك تبقى سعيد قوى؟
لما كنت بشوفها او اسمع صوتها او احس انها لسه معايا ماضعتش منى
تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟
ارض زراعية
البحر ولا النيل؟؟؟
البحر
مركب ولا طيارة؟
طيارة
عاقل ولا مجنون؟
مجنون
تقرا كتاب ولا تتفرج على فيلم؟
الافلام اكتر
بتمرر التاج لمين؟؟
مصطفى فتحى

هو أنا مين ؟؟

أنا مين ।؟؟
محدش فاهم حاجة ؟؟؟
وأهى بكرة تقولك مش فاكرة انت اسمك ايه ؟؟؟
فاكر يوم التلاتاء اللى فات لما ضربنا قرش الحشيش ؟؟؟
فاكر لما تبعنا واحنا ماشيين فوق جبل عتاقة وقولتى استنى ادخل سيبر عشان اخد نفسى ؟؟
فاكر لما قعدت تضحك لحد ما رموا الناس علينا مية فى الشارع ؟؟
فاكرة لما قعدنا انا وانتى فى الشارع لحد الصبح ومروحناش وقعدنا نمشى لحد ماعدى علينا يوم كامل احنا الاتنين مع بعض ؟؟
فاكر ياض لما قعدنا ع القهوة واكتشفنا فى اخر القعدة اننا مش معانا فلوس نحاسب اصلا ؟؟
فاكرة لما خرجنا انا وانتى وروحنا اسكندرية وقعدنا ع الكورنيش خمس دقايق ورجعنا على طول عشان محدش يعرف ؟؟
فاكرة لما قولتك ان اجمل ما فى الكون ان الانسان يفى بوعوده مهما كانت الظروف ؟؟
فاكر ياحاج لما انا قولتك عاوز اتجوز وانا عندى १८ سنة ؟؟
حد فاكر طيب لما مشيت انا فى الشارع بهدوم البيت اقول للناس ان حبيبتى سابتنى من غير سبب ؟؟
حد فاكر طيب اى حاجة
عشان يقدر يقولى انا مين ؟؟؟

Saturday, March 29, 2008

عــــــــــــارفين ايه طيب ؟؟؟

بقالى كتير بحلم بحاجات عجيبة
وبكتب حاجات اغرب
وممكن القريبين منى عارفيين
انى اكتر واحد كسول فى العالم
فى الكتابة تحديدا
بيبقى عندى افكار
افكار سودة وبيضة ووزة بيضة حلوة
بس للاسف افتح صفحة الورد
وانزلها تحت واقعد العب فيفا
بس قولت ياواد ياسونة يامرعب
صعب انك تقضى حياتك كده
اصلى انا مش عاوز ابقى موظف حكومة
ولا شغال فى شركة خاصة تطلع عين اللى جابونى
او افتح شركة او كشك حتى وتيجى الضرائب تنهبنى وتفلسنى
عاوز ابقى كاتب كبيييييييييييير
اكتب قصص وروايات اطول من المسلاسلات الاجنبى بتاعة زمان
اكتب افلام كئبية كأبة الابل
اكتب مسلسلات المشاهد ما يموتش من الملل وهو بيتفرج عليها
اكتب كتب واعمل نظريات
اخلى للقراء الف وجهة نظر ونظر
محدش بيبص للدنيا من كادر واحد
لا عندك الف كادر بص منه
عارفيين انا عاوز ايه
اول مرة اعرف انا عاوز ايه من २३ سنة
عــــــــــــــــــــــــــــــــــــــــــودة
بعد غياب طال
حنرجع تانى
ونكتب تانى
ما احنا مش ورانا حاجة :>

حسين هاشم